JENIS KELAMIN

Simon deng Gosok ada ikut tes di salah satu perusahaan swasta di kompleks perikanan , karna su jam 12 siang dan belum juga jam istirahat di tambah lai dengan udara yang pengap di dalam ruangan, bikin simon deng gosok keringat macam biji jagung, Panitia suruh dong untuk lampirkan biodata lengkap supaya melengkapi berkas administrasi. simon dudu sante sambil tulis dia pung, Gosok yang su dari tadi ada perhatikan ini nona yang juga salah satu peserta, ada duduk dekat di dia pung bangku sebelah. iseng-iseng Gosok sengaja tanya;

Gosok    : Nona? lu tinggal di mana?
Nona      : Diam-diam cuek sa sambil pasang muka keram"
Gosok    : Weh Nona lu pung nama sapa? bisa kenalan ko?
Nona      : "balek pi gosok sengaja kaget" Lu tanya beta ko?
Gosok    : Iyo beta tanya lu Nona. bisa kenalan?
Nona     : oh sebentar sa ew? b masih sibuk tulis biodata ney.
Gosok   : (penasaran ini nona sonde toe) mari beta bantu tulis kasi lu ko cepat"
Nona     : biar su kk, beta pung sampe jenis kelamin ko su mau habis.
Gosok   : (kehabisan akal mau omong apa) aduh beta pung ju
               su sampe jenis kelamin hanya sonde tau mau tulis apa.
Nona    : (karena su emosi Gosok maen tanya2 trus) ow kk pung jang tulis
               nanti kk pung jenis kelamin kk gambar sa, jadi panitia lihat sa su tahu.
Gosok   : langsung bale muka pi simon sambil tahan dada.....

simon yang dari tadi perhatikan gosok langsung omong "gambar su gosok"
paling warna hanya butuh spidol hitam sa"  hahahahahahahahahahaha....