DOA UNTUK SAHABAT KARENA BEDA KEYAKINAN

Pada perayaan paskah di gereja tahun ini. Aldon deng Morgan dapat tugas kerja dekor panggung, dong di minta untuk selesaikan dekor malam itu juga karena besok pas hari sabtu sore acara kegiatan paskah su harus mulai. supaya jang terlalu raca cape morgan ajak aldon bacerita bahas aldon pung masalah"

Morgan  : Bro AL? dengar-dengar Bro su bubar deng maetua ko?
Aldon     : aehhhh... sapa yang su buat lu pung pohon talinga jadi dengar tu MaMo?
Morgan  : Kemaren Okto yang cerita pas katong ada minum laru di rumah Aer Bor.
Aldon     : hiiihhhhh Itu ana mulut talalu baminyak, dia son cocok nama Okto.
                dia cocok nama Yudas,masa hanya karna laru sa dia
                 bisa jual cerita tentang beta pung rahasia"
Morgan   : habis laru pung busa su taga,e di lidah na mau tahan?
                  ju itu betul ko Bro AL?
Aldon      : (sambil bisik) katong cerita pelan-pelan sa, nanti yang laeng dengar"
Morgan   : Ho aman. as sekarang lu pung maetua Nok nok su di mana?
Aldon      : Dia su pulang pi kampung" beta son toe. kapan dia akui beta Ganteng
                 dulu baru beta pi ame dia pulang"
Morgan   : Jangan bagitu Bro AL, masa hanya karena bagitu sa lu kastenggal maetua"
                 ini jang sampe betul yang Okto bilang"
Aldon      : Itu Yudas bilang apa lae?
Morgan    : Dia bilang lu pengaru talalu banyak makan ikan kunuk kuah asam
                  makanya lu pung otak sapo,eng. lebae Bro pi tim Do,a ko sembayang do.
Aldon      : eh ko memang beta ganteng ang. hanya betul ju yang MaMo bilang,
                  jujur sa beta ju masih talalu sayang Nok nok.
Morgan   : (berusaha menasihati) Makanya sebagai kawan beta ju pengen
                  Bro rujuk kembali su deng maetua.
                  ingat Bro" dulu Tuhan Yesus mati di salib supaya katong
                  jang berdosa lae, masa hanya karena ganteng sa bro kastenggal maetua?
                  sadar diri bro"
Aldon     : itu sudah. makanya lu sebagai kawan ju mesti bantu do.a Mamo.
Morgan   : tenang sa Bro,, b dukung lu deng doa.

sudah jam 4 pagi. karena su selesai kerja panggung di tambah dengan cape dan mengantuk maka Aldon deng Morgan langsung tidur talepo sa di lantai panggung,  karena terbayang bayang dengan Aldon pung cerita akhirnya juga Morgan terbawa mimpi sambil mengigau baca Do,a

Tuhan Yesus, terimakasih karena engkau sudah menderita di kayu salib untuk menangung dosa kami, terimakasih juga karena waktu itu beta pung teman aldon belum ada di sana, kal sonde biar dia sa yang dapa salib. Dia pung keyakinan dia tu ganteng. padahal katong semua tahu kalo dia itu???? biar su Tuhan.. Ampuni beta pung kawan, buat dia sadar diri su. beta serahkan dia, terserah Tuhan mau ataor dia karmana na itu su. mau ambil ju ame su. tapi jangan do, katong besok mau iko pawe paskah. ini beta pung do,a Tuhan  amin.